Хеҙмәттә табылған бәхет

Бында терлекселәр ҙә, һауынсылар ҙа үҙ бурыстарына намыҫ менән ҡарап эшләй. Рита Шәйхетдинова – Йонно һөтсөлөк ферма һында оҙаҡ йылдар эшләп, юғары күрһәткестәргә ирешкән хеҙмәткәр. Һауын аппараттары ҡулланылһа ла, ҡул хеҙмәтенән башҡа барыбер булмай. Һауын яйланмаларын әҙерләргә, стакандарын кейҙерергә һәм һалдырырға кәрәк. Бер һүҙ менән әйткәндә, мәшәҡәте күп. Эш урынын, һауын механизмдарын таҙа һаҡлау ҙа мотлаҡ. Рита Әхтәм ҡыҙы үҙ һөнәренә яуаплы ҡарап, яратып башҡара. Хеҙмәтендә ирешкән уңыштары баһаланып, уңған һауынсы Ауыл хужалығы һәм эшкәртеү сәнәғәте хеҙмәткәрҙәре көнө уңайынан муниципаль район хакимиәтенең Дипломына һәм аҡсалата бүләккә лайыҡ булды.