Аҡмуллаға дан йырлайыҡ!

Ошо уңайҙан был көн алдынан районыбыҙҙа “Минең Аҡмулла” тигән ижади конкурс үтте. Конкурстың маҡсаттары -- Аҡмулла ижадына ҡыҙыҡһыныу уятыу, уҡыусыларҙың ижади, мәҙәни һәм рухи байлығын арттырыу, башҡорт телебеҙҙе үҫтереү, районыбыҙҙың кескәй таланттарын асыу. Конкурста районыбыҙҙың төрлө мәктәптәренән М. Аҡмулла ижадына битараф булмаған уҡыусылар ҡатнашты. Ҡатнашыусылар Мифтахетдин Аҡмуллаға дан йырлаған эссе, инша һәм үҙҙәре яҙған шиғырҙарын тәҡдим итте. Ошо бәйгелә “Мифтахетдин Аҡмуллаға арнап шиғыр яҙыусылар” номинацияһында еңеүселәр: Саҡмағош 1-се урта мәктәбенең 3-сө а класы уҡыусыһы Мөхәммәҙиева Эллария (етәксеһе Исламғәлиева Рәмзилә Рауил ҡыҙы), Саҡмағош гимназияһының 3-сө а класы уҡыусыһы Кашапова Юлиә (етәксеһе Сираева Зәбиҙә Йәғәфәр ҡыҙы), Үрнәк мәктәбенең 5-се класс уҡыусыһы Мөхәммәтгәрәева Индира (Зиннәтуллина Айгөл Рвинат ҡыҙы), Ҡалмашбаш мәктәбенең 9-сы класс уҡыусыһы Ғабдуллин Данияр (Ғәлләмова Гөлшат Азат ҡыҙы). Икенсе урын яулаусылар: Тайнаш мәктәбенең 9-сы класс уҡыусыһы Бәҙертдинова Азалия (Сәмиғуллина Айгөл Риф ҡыҙы), Үрнәк мәктәбенең 8-се класс уҡыусыһы Әхмәҙишина Зарина (Зиннәтуллина Айгөл Рвинат ҡыҙы). Аблай мәктәбенең 9-сы класс уҡыусыһы Арыҫланова Фидания (Әхмәтова Рузилә Үҙбәк ҡыҙы) өсөнсө урын яуланы. “Мифтахетдин Аҡмуллаға арнап яҙылған эссе” номинацияһында Саҡмағош 1-се урта мәктәбенең 7-се а класы уҡыусыһы Сәләхова Самира (етәксеһе Исламғәлиева Рәмзилә Рауил ҡыҙы) еңеүсе булды. Рәжәп мәктәбенең 9-сы класс уҡыусыһы Сафина Элина икенсе, ошо уҡ мәктәптең 7-се класс уҡыусыһы Хәкимова Милена (етәкселәре Ғарипова Гөлнара Нәжип ҡыҙы) өсөнсө урын яуланылар. “Мифтахетдин Аҡмуллаға арнап яҙылған инша” номинацияһында Ҡалмашбаш мәктәбенең 5-се класс уҡыусыһы Хәкимова Ситора (Ғабдуллина Ләйсән Айрат ҡыҙы) еңеүсе булды. Ошо уҡ мәктәптең 3-сө класс уҡыусыһы Әһәҙуллина Розалина икенсе, ә 7-се класс уҡыусыһы Әһәҙуллина Ангелина (етәкселәре Ғабдуллина Ләйсән Айрат ҡыҙы) өсөнсө урынды бүлештеләр. Был ижади конкурс буйынса Аблай мәктәбенең 8-се класс уҡыусыһы Арыҫланова Фиданияның иншаһына (Әхмәтова Рузилә Үҙбәк ҡыҙы) “Аҡмулла ижадын һөйөүсе” номинацияһы бирелде. Иҫке Бәшир мәктәбенең 6-сы класс уҡыусыһы Төхвәтуллина Радмила (Сәҙертдинова Гөлшат Ришат ҡыҙы) “Әҙәбиәт һөйөүсе” номинацияһына лайыҡ булды. Еңеүсе дуҫтарыбыҙҙы ысын күңелдән ҡотлайбыҙ! Уларға киләсәктә тағы ла юғарыраҡ бейеклектәр теләйбеҙ!