Батырлыҡ – мәнгелек!

Сарала яугирҙың ата-әсәһе Зәримә һәм Мөнир Ғилмановтар, муниципаль район хакимиәте башлығы Марат Латипов, мәғариф бүлеге начальнигы Гөлнара Ғирфанова, Шәрип ауыл биләмәһе башлығы Рөстәм Ғилманов, батырҙың туғандары, яҡындары, уҡытыусылары, мәктәп уҡыусылары ҡатнашты.

Илнар Ғилманов – кадровый офицер, гвардия капитаны, махсус хәрби операцияла ҡатнашыусы.

2017 йылда урта мәктәпте алтын миҙалға тамамлай. Шул уҡ йылды имтихандарҙы уңышлы тапшырып, Жуков орденлы Ҡыҙыл байраҡлы Ҡазан юғары танк команда училищеһына уҡырға инә.

Хәрби училищены ҡыҙыл дипломға тамамлап, үҙ теләге менән Байкал аряғы хәрби округына хеҙмәткә китә. Йәш лейтенант Борзя ҡалаһында урынлашҡан гвардия мотоуҡсылар бригадаһы составында танк взводын ҡабул итеп ала.

«Татар» ҡушаматлы Илнар 2022 йылдың февраленән башлап махсус хәрби операцияла була.

2024 йылдыћ 23 декабрендә Донецк Халыҡ Республикаһында ҡаты һуғыштарҙын берһендә яҡташыбыҙҙын ғүмере өҙөлә.

Гвардия капитаны Ғилманов үлгәндән һуң Батырлыҡ һәм генерал М. Шайморатов ордендары менән бүләкләнә.

Герой партаһы быуындарҙы бәйләп тороусы өҙөлмәҫлек  еп, үлемһеҙлек, батырлыҡ һәм Тыуған илде яратыу өлгөһө булып ҡаласаҡ.