Бөтә яңылыҡтар
Төрлөһөнән
24 Ноябрь , 14:55

Балалар консультацияһында эш башланы

Саҡмағош район үҙәк дауаханаһында һөйөнөслө яңылыҡ – бында йәш белгестәр һаны артты. Күптән түгел учреждениеның балалар консультацияһында йәш табибә-педиатр эш башланы. Эльвина Илдус ҡыҙы Вәлиева тыумышы менән Нефтекама ҡалаһынан. Быйыл Башҡортостан дәүләт медицина университетын тамамлаған.

Балалар консультацияһында эш башланы
Балалар консультацияһында эш башланы

Хеҙмәт юлын студент йылдарында уҡ башлай ул: яңы тыуған балалар реанимацияһы һәм интенсив терапияһы бүлегендә шәфҡәт туташы булып эшләй. Ул шулай уҡ Башҡортостан дәүләт медицина университетының “Педиатрия” белгеслеге буйынса беренсе йыл ординаторы. Октябрь айы ахырынан Саҡмағош үҙәк дауаханаһы табибәһе булып эшләй.
Беҙ Эльвина Илдус ҡыҙына ныҡлы сәламәтлек, эшендә уңыштар теләйбеҙ.

Фото һәм мәғлүмәт сығанағы: район үҙәк дауаханаһының “Бәйләнештә” селтәрендәге сайты.

Автор:Сайтҡа Рәзилә Арыҫланова әҙерләне.
Читайте нас в