Бер кем дә ярҙамһыҙ ҡалмаҫ

М. Шайморатов исемендәге волонтерҙар штабына Шәрип ауыл биләмәһенең Ҡалтай ауылында йәшәүсе Нәсимә Имаметдинова мөрәжәғәт  итте. Ул һигеҙ йәшлек ҡыҙы менән газ инмәгән шәхси йортта йәшәүе, берҙән-бер улы Эльвирҙы мобилизация буйынса хәрби хеҙмәткә саҡырыуҙары, киткәнсе утын әҙерләп өлгөрмәүе тураһында һөйләне.

Штаб был мәсьәләне хәл итеүгә кереште. Нәсиә һәм Ришат Гәрәевтар ярҙамға килде. Улар бушлай бер машина утын бирҙе.

• Бындай хәлдә яҡташтарыбыҙға ярҙам итергә кәрәклеген яҡшы анлайбыҙ. Беҙ элек тә әҙ тәьмин ителгән күп балалы ғаиләләргә ярҙамлаша инек. Киләсәктә лә мохтаждарҙы иғтибарһыҙ ҡалдырмаясаҡбыҙ, – тине Нәсиә Юныс ҡыҙы.