Халыҡ менән аралашыу башланыу менән үк республика етәксеһе был әңгәмәлә бер ниндәй дә тыйыу-табулар булмаясағын аҫһыҙыҡланы. “Мин кешеләрҙе борсоған бөтә һорауҙарҙа яуап бирергә тырышам, бер ниндәй дә табу юҡ”, – тине ул.
“Тура линия” барышында иң беренсе һорау уның сәләмәтлеге тураһында булды. Билдәле булыуынса, Радий Фәрит улы күптән түгел операция кисерҙе. “Сәләмәтлегем яхшы. Кәйефем эшлекле. Кисергән операция минең эшемә комасаулыҡ итмәй”, – тине ул.
Артабанғы һорау яңы башҡорт батальондары тураһында булды. Төбәк етәксеһе улар Росгвардия составына инә, сөнки улар нигеҙҙә СОБР һәм ОМОН ветерандарынан төҙөлгән, – тине. “Башҡортостанда йәшәүселәр үҙ ирке менән махсус хәрби операцияла ҡатнаша. Был – башҡорт халҡының холоҡ-фиғыле лә, уның менталитеты да. Был гендар буйынса күсә. Башҡортостандар илгә ауыр саҡта һәр саҡ Ватан менән бергә булдылар”, – тине Р.Ф.Хәбиров.