+13 °С
Болотло
Ун беренсе синыфты тамамлаусы егеттәр һәм ҡыҙҙарыбыҙ рус теле, профилле математика, әҙәбиәт, физика, химия, биология, география, тарих, йәмғиәт белеме, сит телдәр һәм информатика фәндәре буйынса Берҙәм дәүләт имтихандарын тапшырҙы. Был һынауҙарҙы уңышлы үтеү өсөн әҙерлек уҡыу йылы башланғас уҡ алып барылды. Уҡыусылар үҙҙәре имтихан тапшыраһы фәндәрҙе билдәләгәнән һуң әҙерлек консультациялары исемлеге төҙөлдө. Уға ярышлы, уҡытыусылар һәр предмет буйынса уҡыусылар менән айырым шөғөлләнделәр. Шуға ла уларҙың уртаҡ тырышлығы һөҙөмтәле булыр һәм егеттәребеҙ-ҡыҙҙарыбыҙ дәүләт һынауҙарында юғары билдәләр алыуға ирешеп, үҙҙәре теләгән уҡыу йорттарында белем алыуҙарын дауам итәрҙәр тип ныҡлы ышанабыҙ.