Көрәштә – ата-бабалар рухы

Иҫке Туҡмаҡлы милли көрәш батырҙарына ла, ауыл хужалығы хеҙмәте ҡаһармандарына ла бай. Бөйөк Ватан һуғышы йылдарында йөҙләгән иҫкетуҡмаҡлылы илде һаҡларға баҫты. Афғанстан һәм Чечня һуғыштарында ауылдан сыҡҡан ир-аттар ҡыйыулыҡ һәм ныҡлыҡ күрһәтте. Бөгөн дә улар махсус хәрби операция барышында үҙ бурыстарын намыҫ менән үтәй.

Байрам, һәр йылдағыса, быйыл да бик күп тамашасыны берләштерҙе. Саранын төп ваҡиғаларының береһе – милли көрәш үткән майҙансыҡта кешеләр айырыуса күп һәм ул бик йәнле булды. Бәхеткә, һауа торошо ярыш үткәреү өсөн мөмкинлек бирҙе, көн ҡояшлы һәм йылы торҙо. Ин көслө батырҙар көс,  етеҙлек һәм ысын оҫталыҡ күрһәтте. Көрәш келәмендә ғәҙәттәгесә йәш үҫмерҙәр ҙә, өлкәндәр ҙә көс һынашты.

Байрамды Иҫке Туҡмаҡлы ауыл биләмәһе хакимиәте башлығы вазифаһын башҡарыусы Альбина Вязовая асып  ебәрҙе. Алға табан муниципаль район хакимиәте башлығы Марат Латипов, Башҡортостан Республикаһы Билбаулы көрәш федерацияһы президенты Рөстәм Зыяҡаев һәм Башҡортостан Республикаһы Билбаулы көрәш федерацияһының башҡарма директоры, ярыштарҙың баш судьяһы Радик Ғиләжев сәләмләү һүҙҙәре менән мөрәжәғәт  итте.

Муниципаль район хакимиәте башлығы Марат Латипов фекеренсә, бындай милли спорт байрамдары халҡыбыҙҙа милли аң уятыуға һәм ғорурлыҡты нығытыуға ярҙам итә. Традицион ярыштарҙа ҡатнашыу мәҙәни мираҫҡа ҡағылыу хисен формалаштыра, шулай уҡ халыҡ араһында физик активлыҡты популярлаштырыуға юл аса.

–Беҙҙең республикабыҙ – күп милләтле төбәк, шуға күрә бында  элек-электән төрлө халыҡтар татыу һәм килешеп йәшәй һәм эшләй.  Спорт өлөшө милли көрәшкә бағышланды. Көрәш – күпселек иҫкетуҡмаҡлыларҙын ҡанында. Бында  был спорт төрө менән баласаҡтан уҡ шөғөлләнә башлайҙар һәм был бик һөйөндөрә. Бөгөн бында данлыҡлы батырҙарҙың балалары ла бар. Беҙҙен яҡташтарыбыҙ илде нацизмдан һаҡлай. Уларҙың ҡыйыулығы һәм ҡаһарманлығы беҙгә бындай саралар үткәрергә һәм тыныс йәшәргә мөмкинлек бирә. «Батырҙар йыйыны» тарихи ваҡиғаға әүерелде, тип уйлайым. Ул барыһын берләштереүсе традицион байрам булһын һәм йыл һайын үткәрелһен, – тине район хакимиәте башлығы Марат Латипов.

Ысынлап та, Иҫке Туҡмаҡлы ауылында милли көрәш бик популяр, бында тулы бер спорт оҫталары йондоҙҙары плеядаһы үҫеп сыҡты һәм кесе Ватанын данға күмде. Кушнаренко  ерен данлаусылар араһында көрәшселәр, спорт оҫталары – Фуат Сәғитов, Рәмил Бәширов, Ринат Ҡотдосов, йәш быуын батырҙары – Азат Садиҡов, Зәлиф Хафизов, Рөстәм Ғәлләмов, Зиф Лоҡманов бар. Мәҫәлән, көрәшсе Рәмил Бәширов уҙған быуаттың 80-се йылдар башынан 2006 йылға ҡәҙәр район һабан туйының абсолют чемпионы исемен бәхәсһеҙ һаҡлап ҡалды.

Республиканың төрлө төбәктәренән килгән милли көрәш ветерандары осрашыуға, иҫкетуҡмаҡлыларҙың һәм ойоштороусыларҙың ҡунаҡсыллығына бик шат булды, келәмдәге көндәш дуҫтар элекке ваҡыттарын, спортсы йәшлектәрен иҫкә төшөрҙө. Был көндө хатта әлеге спорт төрө ветерандары ла келәмгә сыҡмай булдыра алманы, бының  менән улар әле көс тә барлығын, дәрт тә һүнмәгәнен күрһәтте.

 Еңеүселәргә, көтөлгәнсә, ярышты ойоштороусылар тәкәләр тапшырҙы.

Ә сәхнәлә яратҡан йырҙар яңғыраны. Һәүәҫкәр артистар һәм килгән ҡунаҡтар ҡатнашлығында ҙур концерт әлеге сараға өҫтәмә йәм бирҙе. Быйыл саҡырылған ҡунаҡ Илдар Ғәлинуров булды. Яҡташтарыбыҙ – Рәфис Баҡыв, Динар Ғиззәтуллин, Вера Королева, Зәлифә Имаева, Светлана Насретдинова, Илнур Хәбетдинов, Рида Минһажева, Дамира Мөбәширова, Илшат Арыҫланов, Линур Әхтәмов, шулай уҡ «Наҙ» (район мәҙәниәт йорто,  етәксеһе Рәсүлә Фәтхелисламова) һәм «Дуҫлыҡ» (Казарма мәҙәниәт йорто, Зәлиә Ишморатова) бейеү коллективтары, «Италмаҫ» фольклор коллективы (Ҡанлы ауыл клубы) һәм Динар Ғиззәтуллин һәм Фидрат Бикмөхәмәтовтың инструменталь дуэты ла сәхнәлә онотолмаҫлыҡ сығыштар яһаны.

Активистар, йәмәғәт  эшлеклеләре, сараны ойоштороусылар һәм иғәнәселәрҙең ҙур төркөмөнә Маҡтау грамоталары һәм Рәхмәт хаттары тапшырылды.

Ҡунаҡтар актив рәүештә бер-береһе менән йылмайып аралашты һәм иҫтәлеккә фотоға төштө. Сарала ҡатнашыусыларҙың юғары кәйефе, ойоштороусыларҙың яҡшы һәм ойошҡан эше байрамдың күңелле уҙыуына, ҡунаҡтарҙың ҡәнәғәт  ҡалыуына килтерҙе.

Ойоштороусыларға традицияларҙы һаҡлағандары, артистарға байрам кәйефе тыуҙырғандары, ә көрәшселәргә мауыҡтырғыс ярыш ойошторғандары өсөн барлыҡ байрамда ҡатнашыусылар исеменән рәхмәт әйтәһе килә. «Батырҙар йыйыны» бик уңышлы үтте! Был киң ҡоласлы сараның тейешле дәрәжәлә үткәрелеүендә иғәнәселәр, урындағы халыҡ һәм әлеге ауыл биләмәһе хакимиәте  етәкселегенең ҙур хеҙмәте ята.

Ауылдаштарына тоғролоҡ һәм мөхәббәт һоҡландыра, сөнки кесе ауылдар актив кешеләр булғанда артабан да йәшәйәсәк һәм сәскә атасаҡ.