Гүзәллектең юҡтыр сиктәре

Беҙҙең район исеменән тренер-уҡытыусы, СССР спорт мастеры Любовь Шәрәфетдинова һәм спорт мастерлығына кандидат Карина Хәйфуллина  етәкселегендә 42 йәш спортсыны берләштергән команда сығыш яһаны. Традицияға әйләнгән бындай ярыштар быйыл утыҙ беренсе тапҡыр үткәрелде.

Ҡыҙҙарҙың сығыштарын ҡарағас, нәфис гимнастика – спорт ҡына түгел, тигән һығымта яһайһын. Кейем, сәс биҙәлеше, макияж, хореография – келәмдә сығыш яһағанда бик мөһим элементтар. Йәш гимнасткаларҙың ябай хис-тойғолары, йылмайыуҙары ярыштарға йәм бирҙе. Айырым ярыштар, бүләкләнеүгә сыҡҡанда ла ҡыҙҙарҙын нәзәкәтле һәм нәфис йөрөштәре иҫ киткес матур ине.

«Ҡышҡы әкиәт» барыбыҙҙы ла ап-аҡ, саф, сихри гүзәллек донъяһына алып инде.