Ижади һәм һәләтле йәштәр бәйгеһе

 Конкурста ҡатнашыу өсөн ике уҡыу йортонан ун ике ғариза бирелде. Бәйгеселәр – Кушнаренко ауыл хужалығы колледжы студенттары менән таныштырып үтәйек. Ижади шәхес Валерия Семеновых Бөрө ҡалаһында тыуып үҫкән. Етди, актив, маҡсатсан ҡыҙ һүрәт төшөрөргә ярата, музыка ҡорамалдарында оҫта уйнай. Тыныс, сабыр холоҡло, маҡсатсан Виктор Яншаев – Силәбе өлкәһенең Аша ҡалаһынан. Шиғырҙар уҡый һәм яҙа, һүрәттәр төшөрөү менән мауыға. Ғөмү мән, бөтөн нәмәнелә еренә еткереп эшләргә ярата. Розалина Изикова алыҫ Хәйбулла районында тыуған. Ул күтәренке рухлы, аралашыусан, актив ҡыҙ. Ҡурайҙа уйнай, музыка менән мауыға. Сәхнәлә үҙен ҡыйыу тота. Тырыш, хисле, өлгөр Анастасия Ларионова – Благовар районы нан. Яҡшы уҡый, төркөмдәштәре араһында абруйлы, староста вазифаһын үтәй. Ойоштороу һәләте көслө. Благовещен районында тыуып үҫкән Данис Ишмөхәммәтов – бик етди, һәр яҡлап үҫеш алған егет. Күп уҡый, шиғырҙар яҙа. Хайуандар ярата, кәзәләр үҫтереү менән шөғөлләнә. Бәйгелә ҡатнашҡан Даян Мурзин исемендәге Кушнаренко күп профилле һөнәри колледжы студенттарыла үҙҙәрен яҡшы яҡтан ғына күрһәтте. Маҡсатсан, шаян һәм ярҙамсыл Милана Бакирова спорт менән дуҫ, тирә-яҡтағылар менән тиҙ уртаҡ тел таба. Колледждағы бөтөн саралар ҙа ҡатнашыусы сағыу шәхес Дания Хисаметдинова – Нуриман районы Ҡыҙыл Яр ауылынан. Ул бик тәртипле, иғтибарлы, зиһенле. Командала эшләй, һәр кеше күңеленә юл таба белә. Дания бик һәләтле һәм барлыҡ башланғыстарға ла ижади ҡарашлы. Мөстәҡил һәм күп яҡлы шәхес Олеся Әхмәҙуллина – Өфө ҡыҙы. Маҡсат ҡуйырға, яуаплылыҡ алып, үҙ юлы менән барыр ға, ауырлыҡтарҙы еңергә һәм ҡарарҙар ҡабул итергә ҡурҡмай. Бәләкәйҙән үк музыка менән ҡыҙыҡһына, ә мәктәптә уҡығанда төрлө конкурс һәм фестивал дәрҙә актив ҡатнаша. Уның ижады әйләнә-тирәләгеләргә илһам һәм алға табан барырға көс бирә. Һәләтле ҡыҙҙың хыялы – йырсы булыу һәм тамашасы йөрәгендә шатлык, өмөт һәм мөхәббәт хистәре уятыу. Кешеләрҙә ябайлыҡ, намыҫлылыҡ һәм эскерһеҙлек кеүек сифаттарҙы ихтирам итә. Лилиана Әхмәтшина – Илеш районынан. Бик яҡшы уҡый, колледж тормошонда, төрлө бәйгеләрҙә актив ҡатнашып, лидерлыҡ һәм командала эшләү күнек мәләрен үҫтерә. Бейеүгә һәм йөҙөүгә күп ваҡыт бүлә. Саҡмағош егете Редик Латипов студенттар өсөн ойошторолған сараларҙа даими ҡатнаша, спорт менән шөғөлләнә, аралашырға ярата, дуҫтары бик күп. Яҡташыбыҙ Аделина Ханнанова – ижади шәхес, район һәм республика бәйге, олимпиада һәм конференцияларында йыш сығыш яһай. Радим Мостафин да беҙҙең райондан. Ул да бик өлгөр, барлыҡ студенттар өсөн ойошторолған сараларҙа актив, спорт менән дуҫ. Бына ошо талантлы йәш ҡыҙ һәм егеттәр бер-береһе менән ярышты. Сараны ойоштороусылар йылда программаны төрлө биремдәр менән төрлөләндерә. Был барлыҡ һынауҙарға ла алдан әҙерләнергә юл ҡуймай. «Визит карточкаһы» конкурсы, ҡағиҙә булараҡ, беренсе үткә релә. Бәйгеселәр бернисә минут эсендә үҙҙәренең мауығыуҙары, ҡаҙаныштары, уҡыуҙағы уңыш тары тураһында һөйләне. Мәғлүмәт яҡшыраҡ ҡабул ителһен өсөн сығыштар презентация менән бергә үрелеп барҙы. Ғөмү мән, ҡатнашыусылар үҙҙәре һәм уҡыу йорттары менән үҙенсәлекле формала таныштырҙы. Ижади бәйгелә һәр студент иң көслө яғын күрһәтергә ынтылды. Шуға күрә бында жюри һәм тамашасыларға бөтөн һәләтен дә асып бирергә кәрәк булды. Барлыҡ конурсанттар ҙа биремде уңышлы үтәне. Ҡайһы берәүҙәре үҙҙәрен көтөлмәгән яҡтан асты. Береһе шиғыр һөйләне, икенсеһе йырланы, ә өсөнсөләре өҙҙөрөп бейене. Зал сара башланырҙан сәғәт ярым алдан конкурсанттарҙың дуҫтары менән тулы ине. Бәй геселәрҙе барлыҡ тамашасылар йылы һәм дуҫтарса ҡеүәтләп торҙо. Егет һәм ҡыҙҙар флаг, шар һәм төрлө атрибут тар тотҡан килеш, уҡыу йорттарын атап, конкурсанттарҙы ҡысҡырып сәләмләп һәм хуплап торҙолар. Барлыҡ конкурстар тамамланғас, «Кушнаренко-ТВ» ди ректоры Заһит Камалетдинов рәислегендәге абруйлы жюри еңеүселәрҙе билдәләне. Ҡатна шыусылар төрлө номинацияларҙа бүләкләнде. Бәйгене ойоштороусылар репетициялар ваҡытында йәштәрҙең түҙемле булыуын һәм маҡсатсанлығын, һәләт һәм хыял донъяһының ғәжәп бай икәнлеген һыҙыҡ өҫтөнә алды. Сара ахырында йәштәр өсөн күңелле дискотека булды. Районда белем алыусы барлыҡ студенттарға ла зирәк уҡы тыусылар, яҡшы белем туплау һәм матур хыялдарының тормошҡа ашыуын теләйбеҙ.