Яҙ байрамы менән һеҙҙе, гүзәл заттар!

Ерҙә тереклекте йәшәтеүсе, халыҡ хужалығының бөтә тармаҡтарында тырыш хеҙмәт өлгөләре күрһәтеүсе, бер үк ваҡытта һәр урында байрам кәйефе бүләк итергә һәләтле ҡатын-ҡыҙҙарыбыҙ тормошобоҙҙо йәмле итә, бәхет тыуҙырырға тырыша. Уларҙан башка тормош та бармаҫ, көнкүрешебеҙ ҙә йәмле булмаҫ ине. “Сарманай” гәзитен уҡыусы, уның интернет сайтындағы сәхифәләренә яҙылыусы бөтә ҡатын-ҡыҙҙарҙы яҙҙың беренсе байрамы менән ҡотлап, ныҡлы сәләмәтлек, ғаилә именлеге, уңыштар, бөтә маҡсаттарының тормошҡа ашыуын теләйбеҙ. Барығыҙ ҙа гел шулай яғымлы, бәхетле, яратып һәм яратылып йәшәүсе, наҙлы, ҡабатланмаҫ шәхестәр булып ҡалығыҙ. Һәр көнөгөҙ байрам кәйефе менән үтһен, күңел күгегеҙ гел яҙ булһын ине.