Берҙәм булып, яугирҙәргә ярҙам итер өсөн

Улар махсус хәрби операция бурыстарын үтәп, неонацистарға ҡаршы көрәшеүсе яҡташ яугирҙә ярҙам итеү маҡсаты менән булдырылып, ошо ауылдар өсөн генә түгел, ерлегебеҙҙең был төбәктәрендә урынлашҡан тирә-яҡ ауылдар халҡы менән дә берҙәм эшсәнлек алып бара. Филиалдарҙа яуҙағы яҡташтарға кәрәк булған әйберҙәр туплана, маскировкалау селтәрҙәре үрелә, окоп шәмдәре яһала. Был эштәр Яңы йылға ҡәҙәр дә әүҙем башҡарылғайны, байрам ялдарында ла туҡталып торманы. Яҡташтарыбыҙ зур яуаплылыҡ тойоп дошманға ҡаршы көрәшкән егеттәребеҙ өсөн гуманитар ярҙам туплай, һис шикһеҙ беҙҙең яҡта буласаҡ еңеүҙе яҡынайтыу маҡсатын алға алып маскировка селтәрҙәрен үрә. Был изге эшкә өлкәндәр дә, балалар да берҙәм булып ҡушыла. Алғы һыҙыҡтағы яугирҙәребеҙ өсөн бындай ярҙам бик мөһим, шуға ла әлеге эшсәнлек артабан да шулай әүҙем алып барыласаҡ.
Райондың М.Шайморатов исемендәге Волонтерҙар штабы хезмәткәрҙәре башҡарған игелекле эштәр бының менән генә сикләнмәй. Яңы йыл байрамы алдыннан Саҡмағоштағы штаб хеҙмәткәрҙәре район үзәгендә йәшәгән махсус хәрби операция бурыстарын үтәгәндә һәләк булған яҡташ яугирҙәрҙең йорттарына барып уларҙың ғаилә ағзаларына – улдарына һәм ҡыҙҙарына татлы күстәнәстәр тапшырҙылар. Балалар ил аҙатлығы өсөн ғүмерҙәрен аямаған атайҙары менән ғорурланып үҫә һәм уларға оҡшап, яҡты иҫтәлектәренә тап төшөрмәй, лайыҡлы улдар һәм ҡыҙҙар булып үҫергә теләй. Балаларға тапшырылған бүләктәрҙе штабка игелекле райондашыбыҙ И.Н.Хәбиров килтергән.
Байрам алды көндәрендә Штаб хеҙмәткәрҙәре өлкән йәштәге волонтерҙар тураһында ла онотманы. Улар өсөн дә бүләктәр әҙерләп, яҡты байрам менән тәбрикләнеләр. Хаклы ялдағы яҡташтарыбыҙ махсус хәрби операция бурыстарын үтәүсе яугирҙәргә ярҙам күрһәтеүҙ әүҙем ҡатнашып, маскировклау селтәрҙәрен үреп, окоп шәмдәрен яһап ҡына ҡалмай, матди ярҙам да күрһәтәләр. Уларҙың был изгелектәре яу ҡырындағы яҡташтарыбыҙға көс, рух күтәренкелеге өҫтәй. Штаб волонтерҙары тапшырылған бүләктәр өсөн райондаш эшҡыуарҙар В.Р.Нәжмиевҡа һәм В.А. Әхмәтовҡа бүләктәр әҙерләүҙәге ярҙамдары өсөн бик тә рәхмәтле булыуҙарын белдерә һәм уларға ныҡлы сәләмәтлек, эшсәнлектәрендә уңыштар теләй.
Билдәле булуынса, 2025 йыл илебеҙҙә – Ватанды һаҡлаусылар, туған Башҡортостаныбыҙҙа Махсус хәрби операцияла ҡатнашыусыларға һәм уларҙың ғаилә агзаларына ярҙам йылы тип иғлан ителде. Яңы башланған был йыл илебеҙгә именлек һәм барыбыҙ да көтөп алған шатлыҡлы Еңеүҙе килтерһен ине тип теләйбеҙ!
Фотолар һәм мәғлүмәт Саҡмағоштағы М.Шайморатов исмендәге Волонтерҙар штабының “Бәйләнештә” селтәрендәге сәхифәһенән алынды.