Муллыҡ байрамы

Хеҙмәт шатлығын туған-тумаса, күршеләрең менән уртаҡлашһаң, эш тә  ећелерәк бара. Тәжрибәле ҡатын-ҡыҙҙар шаярып көлөп ҡаҙ йолҡа, йыр-моң, шаян һүҙҙәр, мәҙәктәр, уйындар һәм мул мәжлес өҫтәле байрам шарты тыуҙыра.

Быйыл оло ҡаҙ өмәһе Зилә һәм Марат Ҡадировтар хужалығында үткәрелде. Улар һәр йыл 25-30ар ҡош үҫтерәләр. Өмәгә бөтә ауыл йыйылды, тиһәң дә яңылыш булмаҫ.

Юлиә Басирова өмәлә ҡатнашыусы малайҙар һәм ҡыҙҙар өсөн оҫталыҡ дәресе үткәрҙе. Ҡаҙ ҡаурыйынан мамыҡты нисек итеп дөрөҫ һыҙырыу кәрәклеген күрһәтте, халыҡ ғөрөф-ғәҙәттәре һәм йолалары тураһында һөйләне.