Батырҙарҙың даны – үлемһеҙ!

Тантанаға диңгез флотында хеҙмәт иткән ветерандар, район хакимиәте һәм йәмәғәтселек вәкилдәре, уҡыусылар йыйылды.

Район етәксеһе Марат Латипов моряк ветерандарға Рәхмәт хаттары тапшырҙы. 

Йыйылыусылар барлыҡ быуын вәкилдәре араһынан һәләк булған моряктарҙы бер минут тын ҡалып иҫкә алды. Император Александр III: «Рәсәйҙен ике генә союзнигы – армия һәм флот», – тигән һүҙҙәре яҙылған мемориалға сәскәләр һалдылар.

Был һәйкәл барлыҡ моряктарға – үткән осорҙағыларға, бөгөнгөләргә һәм буласаҡтарына бағышлана. Ул кушнаренколар һәм район ҡунаҡтарына дингеҙселәрҙең хеҙмәте, батырлығы һәм фиҙәҡәрлеге хаҡында иҫкә төшөрөп торасаҡ.