Ауылдарыбыҙҙа тормош йәмле, уңайлы булһын тип

"Уңайлы ҡала мөхитен формалаштырыу" федераль проектын тормошҡа ашырыу сиктәрендә 2019 йылдан башлап республикала 683 ижтимағи территория төҙөкләндерелгән. 2023 йылда 1320 млн. һумлыҡ 123 ижтимағи территория сафка индерелгән. Саҡмағош районы ла республика һәм федераль программаларында әүҙем ҡатнаша. Әлеге программа сиктәрендә Аблай ауылында ял паркы, Иҫке Ҡалмаш ауылында Еңеү паркы төҙөкләндөрөлдө, район үҙәгендә сквер барлыҡҡа килде. "Ауылыбыҙ йылдан-йыл күркәмләнә. Башҡортостан Башлығы Радий Фәрит улы Хәбиров башланғысындағы ижтимағи территорияларҙы төҙөкләндереү программаһы ярҙамында ауылыбыҙ уртаһында парк барлыҡҡа килде. Ауыл халҡына ял итеү өсөн бик матур урын булды", – ти Үрнәк ауыл биләмәһе хакимиәте башлығы Рәсимә Зәйнетдинова. Әйтергә кәрәк, муниципалитетта был йәһәттән төҙөкләндереү эштәре быйыл да старт алды.