Яҙғы ташҡын осорона әҙерлек сиктәрендә

Беҙҙең Саҡмағош районында был хәүефле осорға әҙерлек ҡыш ахырынан уҡ башланды. Ошо әҙерлек сиктәрендә район үҙәгендә яҙғы ташҡын осоронда ҡулланыласаҡ техника смотры үткәрелде. Ғәҙәттән тыш хәлдәр барлыҡҡа килгән осраҡта файҙаланыласаҡ техника һәм йыһазҙар тәртипкә килтереп, әзерлек һыҙығына ҡуйылды. Махсус хеҙмәттәр тиз арала урындарға сығарға әҙер, һыу ташыу хәүефе булған урындар даими мониторинглана, урындарҙа киҙеү (дежурстволар) ойошторолған.
Райондың ауыл биләмәләрендә был йәһәттән тейешле әҙерлек эштәре башҡарылды. Яңы Ҡото ауыл биләмәһенә ҡараған бөтә ауылдарҙа ла яҙғы ташҡынды хәүеф-хәтәрһеҙ үткәреү маҡсатында әҙерлек эштәре алып барылды, ҡанауҙар ҡарҙан таҙартылды.