1810 сы һанлы участка һайлау комиссияһы Дүртөйлө ҡалаһының балалар-үҫмерҙәр спорт мәктәбенең фойеһында урынлашҡан.

Иртәнге сәғәт 8 гә 20 гә яҡын кеше йыйылғайны. Бюллетендәрҙе урнаға төшөргән тәүге һайлаусыларҙы башҡалар алмаштырҙы. Үрҙә аталған урамдарҙа йорттар күп. Шуға күрә шул уҡ бинала тағы бер - 1812 се һанлы һайлау комиссияһы асылды. Бында иртәнге сәғәт 10 ға участка һайлаусыларының исемлек һанынан 15 проценттан ашыу кеше тауыш бирҙе. Беренсе булып йәки 18 йәше тулғандан һуң беренсе тапҡыр тауыш биреүселәр һайлау комиссияһы рәйестәре ҡулынан бүләктәр алды. Был участкаларҙа һайлаусылар әүҙемлек күрһәтә.