Сталиндан килгән рәхмәт

Ҡыҙҙың яҙмышы ул осорҙоң башҡа балаларыныҡынан айырылмай. Мәктәптә оҙаҡ уҡыу насип булмай. Шатлығын да, ҡайғыһын да күп күрә, сөнки үҫмер йылдары ҡотосҡос һуғыш осорона тура килә. Башҡалар менән бергә аслыҡ, яланғаслыҡты кисерә, кесе йәшенән өлкәндәр менән тин колхоз эшендә ҡатнаша.

–Ауыл халҡының самолет төҙөү өсөн аҡса йыйғандары иҫемдә. Үҙебеҙ ас-яланғас булһаҡ та, бының өсөн аҡса таптыҡ. Самолетты  төҙөп, фронтҡа  ебәргәндәр. Юғары Баш командующий Иосиф Сталин самолет төҙөүгә аҡса йыйғаныбыҙ, фронтҡа ярҙамыбыҙ, фиҙиҡәр хеҙмәтебеҙ өсөн безгә Рәхмәт белдерҙе, –тип иҫләй Әнисә инәй.