Беҙҙекеләр булдыра!

Беҙҙекеләр. Знай наших!» беренсе Асыҡ медиа-конкурсы еңеүселәрен тәбрикләү тантанаһы үтте. Әлеге бәйгелә ҡатнашып, Саҡмағош гимназияһы медиаүҙәге ағзалары 6 “а” синыфы уҡыусыһы Азалия Ғарифуллинаның район үҙәгендә ғүмер итеүсе яҡташыбыҙ, иғанәсе Данис Кәшфи улы Шәрипов менән ул төҙөкләндергән “Әсәйҙәр шишмәһе” тураһында әңғәмәһе видеоролиғын тәҡдим иткән ине.
Конкурсҡа 120нән артыҡ ижади эш тапшырылған. Жюри ағзаларының юғары баһаһына лайыҡ булып, Азалия “Интервью” номинацияһында икенсе урынды яуланы. Уға Диплом һәм ҡиммәтле бүләк тапшырылды. Ә остаҙы, “Медиаүзәк” берекмәһе етәксеһе Эльвина Илдар ҡыҙы Яхинаға балалар һәм үҫмерҙәр араһында кесе Ватанға ярҙам идеяһын алға этәргән, йәш ижадсыларҙың сәләттәрен үҫтерергә ярҙам иткән өсөн Рәхмәт хаты тапшырылды.