Берҙәм ҡушылдылар

Кистәрен ҡатын-ҡыҙҙар  йөн тетеп, яҙып, бәйләм бәйләр өсөн еп йомғаҡтары алып, клубҡа кис ултырырға йыйылдылар. Улар һалдаттар өсөң йылы бирсәткә һәм ойоҡбаштар бәйләне.

–Егеттәребеҙ ғаиләләренә сәләмәт һәм иҫән-һау әйләнеп ҡайтһын. Беҙ бәйләгән әйберҙәр уларҙы һалҡын окоптарҙа йылытһын, – тип теләк теләй өмәлә ҡатнашыусылар.

Ҡыҫҡа ғына ваҡытта 25 мең һумдан күберәк аҡса йыйылды. Уға оҙаҡ ваҡыт һаҡланыусы аҙыҡ-түлек һатып алынды. Туҡмас ҡырҡып килтереүселәр ҙә булды.

Ғүмәрҙҙе изге эштәр һәм изге теләктәр берләштерә.

–Һуғышсыларыбыҙ беҙҙең ярҙамды һәр ваҡыт тойоп торһондар. Уларҙың еңеү менән әйләнеп ҡайтыуҙарын көтәбеҙ, – ти ауыл кешеләре.