Һөнәри конкурста оҫталыҡты һынап

Уҡытыусы һәм остаз йылы сиктәрендә беҙҙең Саҡмағош районында “Йыл уҡытыусыһы” һөнәри бәйгеһенең муниципаль этабы башланды. Был этапта район мәктәптәрендә хеҙмәт һалыусы 10 уҡытыусы ҡатнаша. Улар төрлө эш стажына, квалификация категорияларына эйә булһа ла, барыһын да бер һыҙат һәм маҡсат – һайлап алған һөнәрҙәренә тоғролоҡ, яратҡан эшкә бар күңелде һалыу, уҡыусыларына сифатлы төплө белем һәм тәрбиә биреү ынтылышы берләштерә. Жюри составына мәғариф өлкәһендә 20-30 йыллыҡ хеҙмәт стажы һәм балалар менән эшләүҙең бай тәжрибәһен туплаған педагогтар йәлеп ителгән.

Добавить в предпочтительные источники Google

Бәйгенең тәүге этабы дистанцион форматта үтте. Уның барышында конкурсанттар дәрестәрҙә һәм дәрестән тыш эшсәнлектә үҙҙәре ҡулланған методикаларҙы күргәҙмә материалдар, презентациялар менән байытып тәҡдим итте. 24-25 ғинуарҙа “Дәрес” тип исемләнгән беренсе ғәмәли тур үтте. Уның барышында бәйгелә ҡатнашыусы уҡытыусылар презентацияларҙағы ысул һәм приемдарҙы ғәмәлдә ҡулланып дәрестәр үткәрҙе.
Икенсе , “Мастер-класс” ғамәли туры 30 ғинуарҙа үтәсәк. Унда һынау тотоусы педагогтар оҫталыҡ сәғәттәре форматында һөнәри хеҙмәттәшлек ситуацияһында тәжрибәләре менән уртаҡлашыр тип көтөлә.
“Уҡытыусы-лидер” тип исемләнгән өсөнсө ғамәли тур сиктәрендә бәйгесе педагогтарҙы “Йыл уҡытыусыһына һорау” матбуғат конференцияһы” һынауы көтә.
Өсөнсө ғәмәли тур тамамланғандан һуң һәр конкурсанттың йыйылған балдары исәпләнеп, бәйгегә йомғаҡ яһала һәм “Йыл уҡытыусыһы-2023”, “Рус теле һәм әҙәбиәте йыл уҡытыусыһы-2023”, “Татар теле һәм әҙәбиәте йыл уҡытыусыһы-2023” менән “Йылдың йәш уҡытыусыһы-2023” конкурстары буйынса 1 еңеүсе, 2 призер билдәләнә.

Һөнәри конкурста оҫталыҡты һынап

Автор:Рәзилә Арыҫланова

Читайте нас

вк

Партнеры

Фотобанк журналистов РБ

Рубрика "Еда и напитки"

Рубрика "Животные"

Об использовании персональных данных

Газета "Сарманай" региональная газета г.Дюртюли, Дюртюлинского,Илишевского Кушнаренковского и Чекмагушевского районов Республики Башкортостан Регистр.номер ПИ №ТУ 02-01522 Главный редактор Амирханов Ф.Ф.

Газета "Сарманай" Баш мөхәррир Әмирханов Ф.Ф.

Телефон

8(34796)3-10-58

Эл. почта

gazetaigenche@mail.ru

Адрес

452200 Чекмагушевский район, с. Чекмагуш, ул. Ленина, 49

Рекламная служба

8(34796)3-13-63

Редакция

8(34796)3-13-41

Приемная

8(34796) 3-10-58

Сотрудничество

8(34796)3-16-13

Отдел кадров

8(34796) 3-13-63