Төп байрамда ҡатнаштылар

Республиканың төп Яңы йыл тамашаһында беҙҙең район уҡыусыларына ла ҡатнашыу бәхете йылмайҙы. Улар Әхмәт, Баҡай, Шәрип, Валентин Паширов исемендәге 1-се Кушнаренко урта мәктәптәре һәм гимназия уҡыусылары ине.

Яңы йыл тамашаһы «Башҡортостан» дәүләт концерттар залында ике ағымда ойошторолдо. Республика шыршыһында ҡатнашыусы һәр бала йомшаҡ уйынсыҡ, ике дәүләт телендә китаптар һәм татлы сувенирҙар һалынған рюкзактар менән бүләкләнде.

Байрамға йыйылған малайҙар һәм ҡыҙҙарҙы БР мәғариф министры урынбаҫары Инесса Косолапова тәбрикләне, уларға уҡыуҙа, спортта, ижади эшсәнлектә уныштар, ныҡлы сәләмәтлек теләне. 

Балаларҙы фойела уҡ йыл символы – Ҡуянҡай, әкиәт геройҙары күңелле тамаша менән ҡаршы алдылар. Шул арала алыс араларҙы яҡын итеп, Ҡыш бабай менән Ҡарһылыу ҙа килеп ќитте. Шыршы тирәләй йырлап та, бейеп тә алды балалар. Ә залда уларҙы мөғжизәле, серле әкиәт иленә сәйәхәт көтә ине.