+18 °С
Ясна
Конкурста ҡатнашыу өсөн 35 муниципаль берәмектә 68 ижади эш тапшырылды. Улар “Уйынсыҡ-китап”, “Видеофильм”, “Мультфильм” тип исемләнгән өс номинация буыйнса ҡабул ителде. Бәйгелә 9 йәштән 85 йәшкәсә булған 116 кеше – китапханалар хеҙмәткәрҙәре, фольклор коллективтары үҙешмәкәрҙәре, педагогтар, уҡыусылар һәм хаҡлы ялдағы өлкәндәр ҡатнашты.
Беҙҙең Саҡмағош районынан был конкурсҡа Ҡалмашбаш ауылы китапханасыһы Гүзәлия Фәүил ҡыҙы Латипова “Әбхәйер тауы тураһында риүәйәт” тип исемләнгән ижади эшен тапшырды һәм “Видеофильм” номинацияһында икенсе урынды яуланы. Район үҙәкләштерелгән китапханаһы коллективы һәм ауылдарҙағы филиалдарҙа эшләүсе хеҙмәттәштәре уны был уңышы менән ҡотлап, артабан да юғары ҡаҙаныштарға ирешеүен теләй.