Һорауҙар төрлө темаларға ҡағылышлы булды

Республикаға идара итеү үҙәгендә ойошторолған “Тура линия” барышында төбәк Башлығы Радий Хәбиров торлаҡ йорттарҙы газификациялау тураһындағы хәлгә асыҡлыҡ та индерҙе. Ул Башҡортостан Хөкүмәтенең “Газпром” менән берлектә эшләнгән һәм 2025 йылға ҡәҙәр иҫәпләнгән газификациялау программаһының ғәмәлдә булыуы тураһында әйтте. “Бераҙ ғына түҙемлек кәрәк буласаҡ, хәлде яҡшыртабыҙ, инвестициялар күләме ҙур”, – тине ул һәм төбәктең торлаҡ-коммуналь хужалыҡ министры А.Марзаевҡа хәлде анализларға һәм кешеләргә был хаҡтағы мәғлүматты аңлайышлы итеп еткерергә ҡушты. “Шуны ла аңларға кәрәк: беҙ 5 йәки 10 йортта ғына кешеләр йәшәгән ауылдарға 20 км. оҙонлоҡтағы торбаларҙы һуҙа алмайбыҙ. Кешеләргә ҡайҙа һәм ҡайһы йылда газ буласағын, ҡайҙа булмаясағын аңлатырға кәрәк”, – тине төбәк етәксеһе.Тура бәйләнеш барышында шулай уҡ Межгорье ҡалаһында спорт инфраструктураһы базаһын үҫтереү, унда бассейн һәм стадион төҙөү тураһында ла һорау еткерелде. Төбәк Башлығы был спорт объектының 2023 йылға исәпләнгән адреслы инвестиция программаһына индерелүе тураһында әйтте. Аҡса бүленәсәк, 2024 йылда уны асалар, тине Радий Фәрит улы.

Добавить в предпочтительные источники Google

Һорауҙар төрлө темаларға ҡағылышлы булды