Беҙҙекеләр – өсөнсө урында

Башҡортостан Республикаһы беренселеге сиктәрендә Өфөлә 11-12 йәшлек малайҙар араһында волейбол буйынса ярыштар үтте. Унда Өфө, Салауат, Ишембай ҡалалары,Янауыл һәм Кушнаренко райондарынан ете команда ҡатнашты.  

Һәр уйын көсөргәнешле барҙы. Финалға Өфө ҡалаһынан 7-се балалар спорт мәктәбе һәм Салауаттан командалар сыҡты. Башҡала волейболсылары енеү яуланы. Кушнаренко районы спортсылары өсөнсө урында булды.

Волейболсыларҙан тағында ҙурыраҡ енеүҙәр көтәбеҙ.