«Ватанға дан йырлайым»

2025 йыл илебеҙҙә Ватанды һаҡлаусылар, республикабыҙҙа Махсус хәрби операцияла ҡатнашыусыларға һәм уларҙың ғаиләләренә ярҙам итеү йылдары тип иғлан ителде. Ошо уңайҙан февраль айында Дүртөйлө районы ауылдарында МХО зонаһынан ялға ҡайтҡан «Әсән» позывнойлы яугир, Башҡортостандың халыҡ артисы Радик Биктимер улы Динәхмәтов менән халыҡтың күркәм осра шыуҙары ойошторолдо. Уларҙың иң беренсеһе, әлбиттә, батыр яҡташыбыҙҙың кескәй Ватаны – Әсән ауылында уҙҙы. Мәҙәниәт йортона килеп ингәс, күҙҙең яуын төрлө күргәҙмәләр яулап ала. Бында мәктәп уҡыусылары төшөргән һүрәттәр менән профессиональ рәссам Ирек Аҫылгәрәевтың хәрби патриотик картиналары урын алған. Балалар тарафынан «Аҡыллы бул» район проекты ҡысаларында балсыҡтан әүәләп эшләнгән фигураларҙа кисәгә йыйылыусыларҙың иғтибарын йәлеп итте. Арытаба осрашыу тамаша залында дауам итте. Уны Дүртөйлө районы хакимиәте башлығы Риф Сәғәҙәтулла улы Йосопов асып ебәрҙе. Үҙ сығышында ул махсус хәрби операцияға, унда ҡатнашыусыларға ярҙам итеү буйынса районда башҡарылған эштәр, үткәрелгән мәҙәни, спорт саралары һәм төрлө акциялар тураһында һөйләне, әлеге күрешеүҙәрҙең инициаторы булған Радик Динәхмәтовҡа рәхмәт һүҙҙәрен еткерҙе. Дүртөйлө, Кушнаренко, Саҡмағош район дарының имам-ахунды Рамил хәҙрәт Иҫәнбирҙин яу ҡырында ятып ҡалған яҡташтарыбыҙҙың рухтарына атап һәм махсус хәрби операцияла ҡатнашыу сыларҙың тыуған яҡтарына иҫән имен әйләнеп ҡайтыуҙарын теләп доға ҡылды. Күркәм осрашыуға «Айыҡ ауыл» республика бәйгеһендә ҡатнашыусы Дүртөйлө районы Түбән Ҡарғалы менән күрше Кушнаренконың Иҫке Ҡормаш, Саҡмағоштоң Аблай ауылдарынан вәкилдәрҙә саҡырылғайны. Улар бөтәһелә бындай сараларҙың әһәмиәтен билдәләне, райондар араһындағы дуҫлыҡтың арытабала дауам итеүен теләне. Радик Биктимер улы менән аралашыу уның башҡарыуындағы йөкмәткеле йырҙар, флейта моңдарына үрелеп барҙы. Башҡортостандың атҡаҙанған мәҙәниәт хеҙмәткәре Филүс Беркет һәм уҡыусыларҙың, ауыл үҙеш сәндәренең сығыштарыла тамашасы тарафынан яратып ҡабул ителде. Шулай булмау мөмкин дә түгел, сөнки яңғыраған һәр йыр тыуған яҡҡа һөйөү хистәре менән һуғарылған, улар күңел ҡылдарын тибрәтеп, еңеүгә ышаныс уята, көс-ҡеүәт бирә. «Ватанға дан йырлайым» де визы аҫтындағы осрашыуҙар райондың бөтә ауыл биләмәләрендәлә уҙҙы. Һәр береһендәлә залдар шығырым тулы ине. Ил алдына килгән ҙур һынауҙар ҡаршыһында дүртөйлөләрҙең берҙәмлегенең тағыла бер асыҡ миҫалы был.