Яңы йорттоң асҡыстары тапшырылды

Украинала барған махсус хәрби операцияла контракт буйынса хеҙмәт иткән 37 йәшлек Марсель Марат улы Мостафин батырҙарса май айында һәләк булды. Әсәһе һүҙҙәренә ҡарағанда, ул Бәләкәй Тәжәй ауылында олатаһы ынигеҙендә йорт һалырға хыялланған була.

Батыр һалдаттың теләге ҡыҫҡа ваҡыт эсендә тормошҡа ашырыла. Муниципаль район хакимиәте Зөлфирә Шәмсиәхмәт ҡыҙына байтаҡ ҡына подрядсы табырға, шулай уҡ документтарын рәсмиләштереүҙә ярҙам итә, йорт төҙөлөшө барышын ныҡлы контролдә тота. Подрядсы М.Мирғаритов ойоштороуында заманса төҙөлөш материалдары ҡулланып, барлыҡ уңайлыҡтары булған йорт, гараж, мунса төҙөү эштәре башҡарыла.

Подрядсы эштәрҙе тулыһынса тамамлап, Марат Мостафиндың ғаиләһенә йорттоң асҡыстарын тапшырҙы.