Бәхетле ғүмер кисергән

Бер быуатҡа яҡын ғүмерендә ул ҡайғыһын да, шатлығын да күп күргән. Ил тарихы юбилярҙың тормошо менән тығыҙ бәйләнгән. Бөгөн насарын иҫкә алмаһа ла, күҙҙәренә йәш килә. Һуғыш ваҡытында ас-яланғас баласағы, унан һуңғы ауыр йылдар... Барлыҡ мәхрүмлектәргә ҡарамаҫтан, ул Туған илгә һәм әйләнә-тирәләге кешеләргә мөхәббәт һаҡлап ҡалған. Оҙон ғүмерле инәй туған яғында йәшәүенә һөйөнә, яңылыҡтар менән ҡыҙыҡһына, зиһене камил, хәтере яҡшы. Йәшлегендә күргән ғазаптары өсөн яҙмыш уға ҡартлыҡ бәхете насип иткән.