Мили мәҙәниәткә – балалар баҡсаһынан уҡ

Бөгөн төбәктә Башҡортостан халыҡтарының Милли костюмы көнө билдәләнә. Райондың бөтә мәҙәниәт, мәғариф учреждениелары был көн айҡанлы иғлан ителгән флешмоб-марафонға әүҙем ҡушылды. Ойошма-учреждениеларҙың социаль селтәрҙәрҙәге сәхифәләрендә урынлаштырылған күркәм фотоһүрәттәр күп төрлөлөгө һәм саһыулығы менән айырылып тора.
Саҡмағош районы үҙәгендәге “Кояшҡай” балалар баҡсаһы коллективы һәм тәрбиәләнеүселәре лә был марафондан ситтә ҡалманы. Төркөмдәрҙә Милли костюм көнөнә арналған занятиелар, төрлө саралар үтте. Был хаҡтағы мәғлүмат интернет селтәренә лә урынлаштырылды.