+9 °С
Болотло
Район үҙәгенән Миләүшә Рамазанованы балҡып торған баҡса хужаһы тип тулыһынса әйтеп була. Был хужабикәнең ихатаһында ниндәй генә сәскәләр юҡ! Бер йыллығы тиһенме, күп йыллығымы... Ин ябайынан башлап экзотик төрөнә тиклем был гүзәллек уларҙы иртә яҙҙан көҙҙөң һуңғы көндәренәсә шатландыра. Әйткәндәй, гөлдәр батшабикәһе булған роза – Миләүшәнең иң яратҡаны. Шунын өсөн улар йортто тирәләп шаулап сәскә атып ултыра.
-Ҡайһы сәскә нығыраҡ оҡшағанын да әйтә алмайым, һәр ҡайһыһы үҙенсә матур. Айырыуса миңә әсәйемдең яратҡан сәскәләре – мальвалар яҡын,– ти ул.
Хужабикәнең әйтеүенсә, һәр сәскә шәхсән көндәлек хеҙмәт талап итә. Уларҙы күңел биреп, мөхәббәт һирпеп үҫтергәндә генә улар һиңә уртаҡлыҡ менән яуап бирәләр.