+28 °С
Облачно
Төрлөһөнән
10 Июня 2022, 05:55
Милли батырға арнап
Билдәле булуынса, төбәктә Рәсәй көнө һәм милли батыр Салауат Юлаевтың тыуған көнөнә арнап “Минең илем” музей-туристлыҡ акцияһы иғлан ителде. Уның сиктәрендә Саҡмағош тарихи-туған яҡты өйрәнеү музейы хеҙмәткәрҙәре “Башҡорт халҡының данлы улы” тип исемләнгән күргәҙмә әҙерләп, уны асыу сараһын үткәрҙе. Экспозиция башҡорт халҡының милли геройы, сәсән-шағиры, 1773-1775 йылдарҙағы Крәстиән һуғышы яугирына арнала.
Милли батырға арнап
Күргәҙмәлә музей фондынан уникаль экспонаттар йыйылған. Бында Салауат Юлаевтың биографияһы, бюст-һыны, гипстан эшләнгән картина, милли батыр рәсеме булған Башҡортостан Республикаһы гербы, С.Юлаевтың көрәштәше, яҡташыбыҙ, Саҡмағошта тыуып үҫкән яугир Ҡанзәфәр Усаевтың шәжәрәһе һәм биографияһы урын алған. Күргәҙмәне асыу сараһында Саҡмағош беренсе урта мәктәбенең 1в синыфы уҡыусылары ҡатнашты. Балалар милли батырҙың биографияһы менән танышты, экспонаттарҙы ҡараны. Сара тамамланғас уларға музей буйынса экскурсия үткәрелде.
Фото һәм мәғлүмәт сығанағы: Саҡмағош тарихи-туған яҡты өйрәнеү музейының “Бәйләнештә” социаль селтәрендәге сәхифәһе.
