Бөтә яңылыҡтар
Төрлөһөнән
28 Апрель , 16:35

“Башҡортостан мәктәбе директоры-2022” – Саҡмағошта!

Башҡортостан Республикаһының Мәғарифте үҫтереү институты ағымдағы йылдың 30 мартынан 28 апреленә ҡаҙәр төбәктең иң яҡшы дөйөм белем биреү ойошмаһы директорын билдәләү өсөн конкурс ойошторҙы. Бәйгенең маҡсаты – дөйөм белем биреү ойошмаларының иң яҡшы етәкселәрен, киләсәктә өйрәнелеп, мәғариф өлкәһендә бойомға ашырырға тәҡдим ителәсәк яңы практикаларҙы, заманса белем биреү менеджментының ҡыҙыҡлы идея-тәҡдимдәрен һәм концепцияларын асыҡлау.

“Башҡортостан мәктәбе директоры-2022” – Саҡмағошта!
“Башҡортостан мәктәбе директоры-2022” – Саҡмағошта!


28 апрелдә “Башҡортостан мәктәбе директоры-2022” конкурсына һөҙөмтә яһалды. Был бәйгелә Саҡмағош беренсе урта мәктәбе директоры АЛМАЗ РАМИЛ УЛЫ БИКМӨХӘМӘТОВ еңеүсе булды.
Алмаз Рамил улын был мәртәбәле конкурста еңеү яулауы менән ихлас ҡотлайбыҙ. Ул лайыҡлы сығыш яһап, үҙенә хас булған сәләтен, талантын һәм харизмаһын бар тулылығында дәлилләне. Һәм шуның һөҙөмтәһе булараҡ мәртәбәле еңеү яулауға иреште. Саҡмағош беренсе урта мәктәбе коллективы Һеҙҙең белән ихлас ғорурлана!
Вероника Дәүләтова,
Саҡмағош беренсе урта мәктәбе директоры урынбаҫары.

Автор:Вероника Дәүләтова, Саҡмағош беренсе урта мәктәбе директоры урынбаҫары.
Читайте нас в