“Башҡорт теленән халыҡ-ара диктант – 2022”

23 апрель Башҡортостан Республикаһы Мәғариф һәм фән министрлығы, Башҡорт телен һаҡлау һәм үҫтереү фонды, Башҡортостан Республикаһы Мәҙәниәт министрлығы, «Бөтә донъя башҡорттары ҡоролтайы (конгресы)» йәмәғәт берекмәләренең халыҡ-ара союзы менән берлектә ойошторолған “Башҡорт теленән халыҡ-ара диктант – 2022” акцияһы Саҡмағош районының мәғариф бүлеге майҙансығында оффлайн форматта үтте. Халыҡ-ара кимәлдәге диктантты яҙырға Мәғариф бүлеге һәм Балалар ижады үҙәге хеҙмәткәрҙәре берҙәй ҡушылды.

Иртәнге шәмбелә 17 тел һөйөүсебеҙ, ручка алып, яҙма эшкә тотондо. Халыҡ-ара диктантты башҡорт теле һәм әҙәбиәте уҡытыусыларының район методик берләшмә етәксеһе Исламғәлиева Рәмзилә Рауил ҡыҙы әйтеп яҙҙырҙы.
Был сара күркәм байрам кәйефендә үтте. Һәр ҡатнашыусы Башҡортостандың дәүләт теленә ҡарата хөрмәтен күрһәтте һәм үҙҙәренең башҡортса дөрөҫ яҙыу күнекмәләрен тикшереп ҡараны. “Башҡорт теленән халыҡ-ара диктант – 2022” телебеҙҙе һаҡлау, яҡлау, уның мәртәбәһен күтәреү өсөн үткәрелгән акцияларҙың береһе булды. Халҡыбыҙ "Теле барҙың иле бар", тип юҡҡа әйтмәгән. Киләсәктә лә телебеҙҙе үҫтереүгә, илебеҙҙе, милләтебеҙҙе һаҡлап алып ҡалыуға йүнәлтелгән ошондай сараларҙа әүҙем ҡатнашайыҡ!

#БашДиктант2022 #диктантпобашкирскомуязыку #башҡорттелендәдиктант #БашФонд #Башкортостан #РодныеЯзыки #Башҡорттар

Автор:

Читайте нас в

Газета "Сарманай" региональная газета г.Дюртюли, Дюртюлинского,Илишевского Кушнаренковского и Чекмагушевского районов Республики Башкортостан Регистр.номер ПИ №ТУ 02-01522 Главный редактор Амирханов Ф.Ф.

Газета "Сарманай" Баш мөхәррир Әмирханов Ф.Ф.

Телефон

8(34796)3-10-58

Электрон почта

gazetaigenche@mail.ru

Адресы

452200 Чекмагушевский район, с. Чекмагуш, ул. Ленина, 49

Реклама хеҙмәте

8(34796)3-13-63

Редакция

8(34796)3-13-41

Ҡабул итеү бүлмәһе

8(34796) 3-10-58

Хеҙмәттәшлек

8(34796)3-16-13

Кадрҙар бүлеге

8(34796) 3-13-63