Йәнә бер йәмәғәт ойошмаһы барлыҡҡа килде

Район китапханаһында сик буйы ғәскәрҙәрендә элек хеҙмәт иткән һалдат һәм офицерҙарҙың ойоштороу йыйылышы булды. Сарала "Дүртөйлө районынан бөтә дәүерҙәр сик һаҡсылары" йәмғиәте ойошмаһы уставы ҡабул ителде. Уның советы, рәйесе һәм ревизия комиссияһы һайланды. Яңы төҙөлгән ойошмаға Фәрит Карманов етәкселек итәсәк. Йыйылышта шулай уҡ район мәктәптәренең береһендә сик буйы хеҙмәте йүнәлешендәге кадет синыфы ойоштороу тураһындағы мәҫьәләһе күтәрелде.