Күптән түгел Ҡаҙыр ауыл советы ауыл биләмәһенә ҡараған Һеңрән ауыл халҡы шатлыҡлы ваҡиға кисерҙе. Бында «Берҙәм Рәсәй» сәйәси партияһының, «Эшлекле ғәмәлдәр» проекты ҡыҫаларында модернизацияланған фельдшер-акушерлыҡ пункты файҙаланыуға тапшырылды.
Ремонт эштәре сифатлы башҡарылып, стена-түшәмдәр ағартылған, буялған, ишектәр, ут, йылылыҡ системалары яңыртылған, иҙәндәр алмаштырылып, линолеум йәйелгән, һыу индерелеп, канализация булдырылған. Иң мөһиме, ФАП кәрәкле мебель һәм йыһаздар менән тәьмин ителгән.