Һәр йортта ла көтәләр

Иҫке Ғүмәр ауылы почтальонкаһы Гүзәл Хөснөрьялова кешеләрҙе гәзит-журналдарға яҙҙырыуҙа яҡшы һөҙөмтәләргә ирешә.

Гүзәл хат ташыусы булып өсөнсө йыл эшләй. Әлегә ҡәҙәр уның хеҙмәтләндереү сифатына дағүә белдереүсе булмаған. Һөйкөмлө ҡатынды һәр йортта көтөп алалар. Ул кешеләрҙең хәл-әхүәле менән ҡыҙыҡһына, олоһо менән дә, кесеһе менән дә уртаҡ тел таба.

Ямғыр яуамы, ҡармы, эҫе йәки һыуыҡмы – Гүзәл Миҙхәт ҡыҙы эшенә ашыға. Сумкаһы киске яҡҡа ғына бушай.

Хеҙмәтенә яуаплы мөнәсәбәте өсөн уны етәкселәре лә, ауылдаштары ла хөрмәт итә.

Беҙҙең хәбәрсе.