Йәгеҙ әле, егеттәр!

Студенттар һәм район мәктәптәре уҡыусылары араһында Бөйөк Еңеүҙең 75 йыллығына бағышлап «Йәгеҙ әле, егеттәр!» тип исемләнгән хәрби-спорт байрамы үтте. Унышар егеттән торған командалар, төрлө ярыш һәм бәйгеләрҙә көс һынашып, иң көслөнө асыҡланы.

Район мәктәптәре араһында гимназия егеттәренә тиңдәр табылманы. Гимназистар командаһы автомат һүтеп-йыйыуҙа, йөҙөү буйынса эстафетала – беренсе, сафта йөрөп йырлау, арҡыры күтәрелеүҙә икенсе һөҙөмтәне күрһәтте.

Иҫке Туғмағлы егеттәре команда иҫәбендә икенсе урынды алды. Улар ҡатнаш эстафетала – беренсе, йөҙөүҙә икенсе булды.

Урта махсус уҡыу йорттары араһында ауыл хужалығы колледжы егеттәре – беренсе, күппрофилле колледж командаһы икенсе һөҙөмтәләрҙе күрһәтте.