Ғәҙәттән тыш хәлдәргә юл ҡуймаҫ өсөн

Үткән аҙнаның шаршамбы көнөндә муниципаль район хәкимиәтендә район биләмәһендә янғын хәүефһеҙлеген тәьмин итеү һәм яҙғы ташҡын ваҡытында ғәҙәттән тыш хәлдәрҙе киҫәтеү буйынса кәңәшмә үтте. Уны муниципаль район хәкимиәте башлығының төҙөлеш һәм торлаҡ-коммуналь хужалыгы буйынса урынбаҫары А.Й. Басиров асты һәм алып барҙы. Сарала Башҡортостан Республикаһының Ғәҙәттән тыш хәлдәр буйынса дәүләт комитеты рәйесе урынбаҫары М.Х.Задин һәм ошо уҡ комитет рәйесе ярҙамсыһы Т.С. Шакиров, 94 һанлы янғындарҙан һаҡлау-ҡоткарыу часте етәксеһе А.Сәитов, райондың авыл Советы ауыл биләмәләре хәкимиәттәре башлыҡтары ҡатнашты.