Иҫән булһын, бәпәйҙәр!

Бына Сысҡан йылының беренсе айы тамамлана ла. Был осорҙа районда биш никах теркәлде. Ҡыҙғанысҡа, тарҡалған ғаиләләр ҙә булды.

Дүрт ғаиләлә бәбәй тыуҙы. Савелий, Тимур, Лилиә һәм Роксана – барыһы ла үҙ ғаиләләрендә көтөп алынған бала. Улар ата-әсәләре, туғандары һәм яҡындары өсөн иң яҡшы бүләк булдылар. Яңы йылдың беренсе минуттарында булһынмы, көндәрендәме – бала тыуыуы ысын мөғжизә! Сабыйҙар сәләмәт булып үҫһендәр, уларҙы ғүмерҙәре буйы мөғжизә оҙатып барһын.