Яңы проекттар

Муниципаль район хакимиәте башлығы үткәргән сираттағы эшҡыуарлыҡ сәғәтендә металдан төҙөлөш материалдары – профнастил, сайдинг һәм башҡаларҙы етештереүҙе ойоштороу проекты ҡаралды.

Проектты тәҡдим итеүсенең был өлкәлә эш тәжрибәһе бар. Ул Кушнаренко ауылында металдан яһалған әйберҙәрҙе күмәртәләп-ваҡлап һатыу менән шөғөлләнә. Шаҡтай клиенттар базаһы туплаған. Дүртөйлө, Өфө, Саҡмағош һәм Бөрө райондарында ике тиҫтәгә яҡын төр продукция менән сауҙа итә.

– Проект өмөтлө, уны ғәмәлгә ашырғанда районда өҫтәмә эш урындары булдырыласаҡ, – тине район хакимиәте башлығы Руслан Ғизәтуллин.

Беҙҙең хәбәрсе.