Мөғжизәләр көткән бер мәлдә

Ҡыш бабайҙар парадын быға тиклем тик телевизор аша ғына курергә насип булғас, үҙеббеҙҙә үткәнен күрергә тип олоһо ла, кесеһелә мәҙәниәт һарайы янына йыйылды.

Яны йыл алдынан барыбыҙ ҙа мөғжизә көткәнгә күрә, бер юлы иллегә яҡын Ҡыш бабай һәм уның ейәнсәрҙәрен күреү күнелгә ниндәйҙер серлелек өҫтәне. Улар янында төрлө маскарад кейемендәгеләр ҙә йүгереште. Оло ағайҙар, йәш егеттәр, хатта ҡатын-ҡыҙҙар ҙа яңы йылдын төп геройы формаһын кейгәйне. Нисек кенә булмаһын, беренсегә үткәрелгән был парад беҙгә бик оҡшаны.