«Сағыл» халыҡ театры өсөнсө урынға лайыҡ булды

Татарстан Республикаһы баш ҡалаһ Ҡаҙан ҡалаһындағы Ғ.Камал театрында «Иҙел-йорт» Бөтә донъя халыҡ театрҙары бәйгеһенә йомғаҡ яһалды. Конкурс өс этапта уҙып, унда Рәсәйҙең төрлө төбәктәренән 250 коллектив ҡатнашты. Был бәйгелә Үрге Йәркәйҙәге район мәҙәниәт һарайы ҡаршыһында эшләп килеүсе «Сағыл» халыҡ театры Башҡортостандың халыҡ шағиры Мостай Кәримдең «Ҡыҙ урлау» музыкаль комедияһын сәхнәләштереп, өсөнсө урынға лайыҡ булды.