Халыҡ рәхәтләнеп ял итте

Күптән түгел Ишҡар ауыл мәҙәниәт йортонда Ишҡар урта мәктәбе коллективы Башҡортостандың күренекле драматургы Наил Ғәйетбаевтың «Аты барҙың – дәрте бар» лирик комедияһын сәхнәләштереп, ял минуттары бүләк итте. Ролдәрҙе мәктәп директоры Илгиз Вәлишин, китапханасы Рәмзилә Ғосманова, уҡытыусылар Фәүил Сәҙретдинов, Гүзәл Саҙрытдинова, Гүзәл Ниғмәтдинова, Глүс Саҙертдинов башҡарҙы. Спектаклды халыҡ яратып ҡабул итте, һәр үҙешсән артист сығышы алкыштарға күмелде.