Республика Башлығы - Илештә

Кисә Башҡортостан Республикаһы Башлығы Радий Хәбиров эш сәфәре менән Илештә булып, райондың иҡтисади-финанс хәле, ойошма-предприятиеларҙағы эш барышы менән якындан танышыу маҡсатында айырым урындарҙа булды. Атап әйткәндә, Карабаш ауылындағы яңы спорт-мәҙәни үҙәк, «Урожай» тоҡомсолок заводы йәмғиәте, Иҫке Күктауҙағы яңы ауыл мәҙәниәт йорто, район үҙәк дауаханаһы, Үрге Йәркәйҙәге Муса Гәрәев музейы, район үҙәгендәге яңы төҙөлөүсе биологик таҙартыу ҡорылмаһы, "Орленок" балаларҙы ял һәм сәләмәтләндереү лагеры менән яҡынданыраҡ танышты.