Саф һауа – йөрәккә дауа

Үрге Йәркәйҙәге Ял паркында район үҙәк дауаханаһы хеҙмәткәрҙәре ойоштороуында «Тормошҡа 10 мең аҙым» Бөтә Рәсәй акцияһы рамкаларында «Йөрәк маршруты – сәләмәтлек маршруты» акцияһы уҙҙы. Көҙгө һалҡынса һауала физик әүҙемлек – йөрәк ауырыуҙарын киҫәтеү өсөн яҡшы сара. Акция башланыр алдынан район үҙәк дауаханаһы хеҙмәткәрҙәре ҡатнашыусыларға йөрәк формаһында эмблемалар таратты.