САРМАНАЙ
+20 °С
Болотло
Бөтә яңылыҡтар
Төрлөһөнән
23 Сентябрь 2019, 16:35

Шәмбе сараларға бай булды

Тирә-яҡ мөхиткә һаҡсыл ҡараш тәрбиәләү, экологик күзаллауҙы популярлаштырыу маҡсатында Саҡмағош районы биләмәһендә үткән ялдарҙа Бөтә донъя бөхтәлек көнө#СДЕЛАЕМ2019 акцияһы ойошторолдо. 21 сентябрь иртәһендә район үҙәге һәм ауыл биләмәләрендәге бөтә ойошма-предприятиелар коллективтары был акцияға әүҙем ҡушылып, тирә-яҡ һәм ихаталарҙы япраҡтарҙан, бысраҡтан таҙартты. Йәштәр үҙәге белгестәре “Беҙ бергә!” ирекмәндәр хәрәкәте волонтерҙары менән район үҙәгендәге шишмә эргәһен, ә Яңы Ҡото ауыл биләмәһе хакимиәте, мәҙәниәт йорто һәм урындағы мәктәптең 9-сы синыф уҡыусылары буа ярҙарын сүп-сарҙан таҙартты.

Әйткәндәй, үткән шәмбе күләмле сараларға бай булды. Был көндө район үҙәгенең “Урожай” стадионында “Кросс Наций-2019” Дөйөм Рәсәй йүгереү көнөнә арналған спорт ярыштары ла үтте. Унда урта мәктәптәр уҡыусылары ла, райондың предприятие-ойошма вәкилдәре лә ҡатнашты. Ярыштарҙа Балалар-үҫмерҙәр спорт мәктәбе тренерҙары судья булды. Иң етеҙ райондаштарыбыҙға грамоталар һәм миҙалдар тапшырылды.

Бындай ярыштар ауыл биләмәләрендә лә ойошторолдо. Йомаш ауыл биләмәһенең Митрәй-Әйүп ауылында был сара “Айыҡ ауыл” акцияһы сиктәрендә уҙғарылды.
Рәзилә Арыҫланова әҙерләне.

Фото: муниципаль район хакимиәте сайтынан.
Читайте нас: