Әкиәт геройҙары менән

Июль айының ҡояшлы бер көнөндә Дүртөйлө ҡалаһының «Котлован» ҡомлоғонда Нептун байрамы үтте. Ҡунаҡтар алдында үҙешмәкәр сәнғәт коллективтарында шөғөлләнеүселәр концерт һәм театрлаштырылған тамаша менән сығыш яһаны. Уйын һәм конкурс майҙансыҡтары эшләне. Белгестәр төрле хәлдәрҙә бәләгә тарып, ғүмерҙәренә хәүеф янаусы кешеләргә табибка ҡәҙәрге беренсе ярҙам күрһәтергә өйрәтте. "Ғаилә" үҙәге ойошторған балалар һәм өлкәндәр өсөн берлектәге уйындар бөтәһенең дә күңеленә хуш килде.