Яңы поликлиника тәүге пациенттарҙы ҡабул итә башланы

“Сәләмәтлек” дөйөм дәүләт проекты сиктәрендә төҙөлгән был заманса медицина учреждениеһының яңы корпусында өлкәндәр ҙә, балалар ҙа ҡабул ителә. Бында ҡатын-ҡыҙҙар консультацияһы, рентген бүлеге, медицина профилактикаһы бүлеге, табибтар кабинеттары, эндоскопия бүлеге урынлашты. Бынан тыш, яңы корпусҡа ғаиләне планлаштырыу һәм сәләмәт бала кабинеттары ла күсте.
Поликлиниканың маршрутлаштырыу схемаһы ауырыуҙар өсөн уңайлы итеп эшләнгән, шуға ла тейешле белгестәр кабинеттарын табыу еңел.