Саҡмағош районының мәҙәниәт усаҡтары республикала Милли костюм көнөнә арнап иғлан ителгән интернет-флешмобҡа әүҙем ҡушылды. Был күләмле саранан күп милләт вәкилдәре тыуған төйәк итеп, ғүмер-ғүмергә иңгә-иң ҡуйып дуҫ-татыу, милли мәҙәниәт өлгөләрен уртаҡлашып, үҙ итеп йәшәгән Йомаш ауыл Советы ауыл биләмәһе мәҙәниәт хеҙмәткәрҙәре лә ситтә ҡалманы. Йомаш моделле китапханаһы хеҙмәткәрҙәре флешмобҡа үҙенсәлекле, матур фотоһүрәттәр тәҡдим итә.