Илештә «Ауаҙ» үтә

Бөгөн Илеш районында «Ауаҙ» башҡорт этник мәҙәниәте һәм заманса сәнғәт фестивале башланды. Конкурста үҙешмәкәр коллективтар, ғаилә династиялары һәм биҙәү-ҡулланма сәнғәте оҫталары, студенттар һәм профессиональ башҡарыусылар, шулай уҡ саҡырылған артистар ҡатнаша. Бейеү, вокаль, инструменталь, фольклор төркөмдәре өсөн айырым конкурстар ҡаралған.

Район мәҙәниәт һарайында сараны асыу тантанаһы үтеп, унда БР Мәҙәниәт министры урынбаҫары Ранис Алтынбаев, муниципаль район хакимиәте башлығы Илдар Мостафин ҡатнашты.